Sāuni ‘Amerika fa’alēaogā visa ‘o tagata mai fafo ‘e o’o atu ‘i le 200,000

‘Ua sāuni le faigāmālō ‘a Donald Trump, ‘e fa’alēaogāina pē soloia visa ‘o tagata mai fafo ‘e o’o atu ‘i le 200,000 le aofa’iga, ‘o ē ‘ua talosaga mō visa po’o ‘i lātou ‘o lo’o taumafai ‘ia maua ni visa ‘i lalo ‘o le avanoa fa’apitoa ‘o tagata sulufa’i atu ‘i le Iūnaite Setete.

Vāganā ‘ua lu’itauina pe toe lauliliu fo’i lea fa’ai’uga, ‘ae ‘ua sāuni le mālō ‘e fa’asilasila ‘i nai māsina ‘o lumana’i nei ‘o lea tūlāfono, pei ‘ona iai visa ‘o le B1 ma le B2 na tatalaina atu ‘i le vā ‘o le 2016 ma le 2026 ‘o tagata sā tālosaga ‘ia talia ‘i lātou ‘o ni tagata sulufa’i, po’o tagata fo’i ‘o lo’o iai a lātou talosaga ‘i le taimi nei.  ‘O le ‘ā gālulue fa’atasi ai ma le Matāgāluega ‘o le Homeland Security. 

‘Ua fa’ailo ni solo tete’e ‘i le atunu’u ma ‘ua iai le militeli ‘i nisi ‘o ‘a’ai, ‘o se vāega ‘o le polokalame ‘o le sā’iliga ‘o tagata ‘e fa’asolitūlāfono pepa malaga ‘o lo’o nonofo ai ‘i le atunu’u pei ‘ona tā’ua ai ‘e le 1News.

Link to 1News (Article): https://www.1news.co.nz/2026/08/25/us-set-to-revoke-visas-for-up-to-200000-foreigners/

IMAGE/ATA: The White House Facebook.