Manumālō le ‘Olopeleki ‘i le ta’aloga ma le ‘au ‘a le Liona

Na manumālō le ‘Olopeleki ‘i le ta’aloga ma le ‘au ‘a le Liona ‘i le vaveao analeila, ‘e 41 i le 35.  Na le’i fiafia le ‘Olopeleki ‘i la lātou taumafaiga ‘ona ‘o nisi ‘o a lātou fa’ai’uga lē lelei ‘i luga ‘o le malae, na maua ai ‘e le Liona le tele ‘o avanoa ‘e osofa’i atu ai ‘i minute ‘e 50 muamua ‘o le ta’aloga.  ‘O Timoci Tavatavanawai na iloga lana ta’alo mō Niu Sila pei ‘ona tā’ua ‘i līpoti. 

‘Ua sāuni le ‘Olopeleki mō lana ta’aloga faitaulia lona lua ma le Springboks ‘i le DHL Stadium ‘i Cape Town ‘i le Aso To’ona’i.

IMAGE/ATA: All Blacks Facebook