Fa’ato’ese le pule ‘a Rakesh Naidoo ‘i se fa’aluafesasi ‘i lana taumafaiga mō le Labour

Na fa’ato’ese le pule ‘a le ali’i leoleo le Superintendent Rakesh Naidoo, ‘ona ‘e vaiaso ‘e lē’i fa’ailoaina ‘i le komesina ‘o leoleo, le finagalo ‘o Naidoo, ‘e fia tauvā mō le Vāega Fa’a’upufai ‘a le Labour, talu mai la lā talanoaga muamua.  ‘E lē gata na fa’ato’ese Tim Anderson ‘i le Komesina ‘o Leoleo Richard Chambers ‘ae fa’apea fo’i ma Naidoo ‘ona ‘o le fa’aluafesasi, lea na ala ai ‘ona tu’uina atu ‘i vāega fa’asalalau ni fa’amatalaga lē sa’o.

‘O le Aso Lulu na fa’alauiloa ai ‘e le Leitiō Niu Sila, na talanoa Naidoo ‘iā Anderson, ‘o lea sā māfaufau ‘e fia ‘avea ‘o ia ma sui tauvā  mō le Labour, pe tusa ma le lua vāiaso muamua ‘a’o le’i fa’amautūina ‘o ia ‘o se sui tauvā ‘i le lisi ‘a le Labour. 

Na fa’amaonia le ‘avea ‘o Naidoo ma sui tauvā ‘a le Labour (list-only candidate) ‘i le aso 8 Iuni.  ‘O le taimi nei ‘o lo’o nūmera 13 ma ‘ua lata ‘ina fa’amaonia lona nofoa ‘i totonu ‘o le Palemene ‘e tusa ai ma līpoti ‘a le 1News. 

Sā le’i fiafia le Minisitā ‘o Leoleo Mark Mitchell fa’apea le Komesina ‘o leoleo, ‘i le taimi muamua na alia’e ai le matā’upu, ma saunoa ai le komesina, sa tatau ‘ona vave fa’ailoa atu ‘iā te ia le mana’oga ‘o Naidoo ‘e fia ‘auai ‘i ‘upu fai ‘o le mālō.

Link to 1News (Article): https://www.1news.co.nz/2026/08/13/rakesh-naidoos-manager-apologises-for-confusion-over-labour-bid/

IMAGE/ATA: 1News / Supplied