Toe saini Ethan de Groot ‘i le ‘Olopeleki ‘e o’o atu ‘i le 2029
‘Ua toe saini Ethan de Groot, le pou ‘autū ‘o le sikalamu ‘a le ‘Olopeleki ‘i le Iuni Lakapī ‘a Niu Sila, ‘o le Highlanders ma Southland ‘e o’o atu ‘i le fa’ai’uga ‘o le 2029. ‘O le māsina ‘o Mati, na maua ai la lā pepe fou ma lona to’alua, lea na tā’ua ‘e De Groot, na ātili faigōfie ai lana fa’ai’uga, ‘e toe fa’aopoopo ai le ‘umi ‘o lana konekarate ‘i Niu Sila.
‘E fiafia lava ia ‘i le Highlanders ma ta’alo mō lona itūmālō, fa’apea fo’i mō lona atunu’u, ‘e ala ‘i le ‘Olopeleki. ‘Ua 45 ana ta’aloga faitaulia mō le ‘Olopeleki, ma ‘o lo’o iai ‘i le taimi nei ‘i ‘Aferika ‘i Saute ‘i le malaga ta’amilo ‘a le ‘au.