‘Ua fa’amutaina ‘e le Pālemia tofiga ‘o Minisita lagolago ‘e to’asefulutolu
‘I se fa’asilasilaga mai le Afioga ‘i le Tama’ita’i Pālemia ‘iā Fiame Naomi Matā’afa, ‘ua fa’ailoa aloā’ia ai le fa’amutaina ai ‘o tofiga ‘o Minisita Lagolago ‘e to’asefulutolu.
‘O le fa’asilasilaga lenei mai le Mālō ‘i le taeao ‘o le Aso Faraile 17 Ianuari 2025:
O le faaauauina o le tagofia o le mataupu e uiga i le faatuatuaina o le taitaiga a le Palemia, atoa ai ma le faatuatuaina e le Palemia o afioga i Minisita Lagolago, latou te galulue faatasi, sa faapogai i le iloiloina o tofiga o afioga i Minisita Lagolago o le Kapeneta i lenei vaiaso.
Ma, e tusa ai ma le vaega 3(b) o le Tulafono o Failautusi Faapalemene 1988, ua taunư’u ai le Palemia i lana faaiuga e faamuta tofiga Minisita Lagolago o afioga i Sui Usufono o le Palemene ua faailoa atu i lalo, e amata faamamaluina i le aso, Aso Faraile 17 Ianuari 2025.
- Tagaloatele Pasi Poloa – Minisita Lagolago o Pisinisi Alamanuia ma Leipa.
- Fuiono Tenina Crichton – Minisita Lagolago o Fesootaiga ma Faamatalaga Tekonolosi.
- Maiava Fuimaono Tito Asafo – Minisita Lagolago o Faatoaga ma Faigafaiva.
- Seuamuli Fasi Toma – Minisita Lagolago o Tina ma Tamaitai.
- Tuu’u Anasi’i Leota – Minisita Lagolago o Leoleo, Falepuipui ma Ola Toe Fuataina.
- Agaseata Valelio Tanuvasa Peto – Minisita Lagolago o Aoga ma Aganuu.
- Tea Tooala Peato – Minisita Lagolago o le Soifua Maloloina.
- Magele Sekati Fiaui – Minisita Lagolago o Tupe, na muai tofia o le Minisita Lagolago o Fesootaiga ma Faamatalaga Tekonolosi.
- Foisala Lilo Tu’u Ioane – Minisita Lagolago o le Soifua Maloloina.
- Fesolai Apulu Tusiupu Tuigamala – Minisita Lagolago o Faamasinoga ma Tulaga Tau Faamasinoga.
- Ale Vena Ale – Minisita Lagolago o Tiute ma Tupe Maua.
- Masinalupe Makesi Masinalupe – Minisita Lagolago o Tiute ma Tupe Maua.
- Manuleleua Paletasala Tovale – Minisita Lagolago o le Palemia ma le Kapeneta.
ATA: Sāmoa Capital Radio (design), individual members (Sāmoa Observer & FAST)