Tu’uina atu āloa’ia ‘i le KVA Consult Ltd ma le ID30 le fa’atinoina ‘o National IDs ‘a tagata nu’u ‘o Sāmoa

‘Ua māe’a sainia le māliega ‘i le vā ‘o le kamupanī ‘o le KVA Consult Limited ma le ID30, ma le Afioga ‘i le Minisitā ‘o le ‘Ōfisa ‘o Numera Fa’amauina, ‘e tu’uina atu ai loa le galuega ‘o lo lātou fa’atinoina lea ‘o National IDs ‘a tagata ‘uma ‘o le atunu’u.

Pei ‘ona silafia, ‘o le tūlāfono lenei ‘ua māe’a ‘ona pāsia ‘i totonu ‘o le palemene, ‘e fa’atinoina ai ID nei mo tagata ‘uma, ‘e māua ai fa’amatalaga ‘uma ‘e fa’atatau ‘i se tagata ‘o le atunu’u. ‘O se tūlāfono ‘ua aiaia ai fo’i le tatau ‘i tagata ‘uma ‘o le atunu’u, ‘ona ‘ūmia se ID ma ‘o lona tāua tele, ‘e mafai ai ‘ona fa’amaonia se tagata ‘i totonu ‘o so’o se matāgaluega ‘a le mālō, ‘e o’o fo’i ‘i le maota gasegase ‘i Moto’otua.

‘O se tūlāfono ‘ua māe’a ‘ona pāsia mai le 2 tausaga talu ai, ‘a’o lea fa’ato’a saini ma tu’uina atu ai loa le āvanoa ‘i ia kamupanī ‘e lua, ‘e la te fa’atinoina ia fa’atinoga.

IMAGE/ATA: Nessani Lam Sam / SCR