Toe 24,909 tagata ‘e le’i lesitala mō le pālota tele ‘iā ‘Aukuso

‘E o’o mai ‘i le itulā ‘e 7pm ‘i le afiafi ‘o le Aso Faraile 28 ‘o Iuni 2025, ‘ua totoe ai nei le 24,909 ‘o tagata ‘e le’i lesitala mō le faigāpālota tele ‘a le atunu’u ‘o lo’o lumana’i nei ‘i le Aso 27 ma le 29 ‘o ‘Aukuso 2025.

‘O tagata ‘e tatau ‘ona pālota ‘e 117,225. ‘Ae ‘ua ‘ausia le 79% ‘o tagata lesitala, ‘e tusa ma le 92,316 tagata.

Na toe fa’amanatu mai ‘e le ‘Ōfisa ‘o le Komisi ‘o Faigāpālota, ‘e fa’apea ‘o le fa’ai’uga ‘o le vaiaso fou ‘e fa’agata ai le avanoa mō lesitala.

‘O lona uiga ‘a tapuni le lesitala ‘e te le’i lesitala, ‘o le ‘ā a’afia lou suafa ‘i fa’asalaga fa’aletūlāfono ‘e aofia ai le sala tupe ‘e $2,000 po’o le falepuipui ‘i le ‘umi ‘e tu’uina mai ‘i se fa’ai’uga ‘a le fa’amasinoga.

A’o lou lē pālota, ‘e $100.

ATA: Samoa Observer / Savali Newspaper