Tō’ai taunu’u mai ‘i Sāmoa le fesoasoani ‘a Niu Sila mō le CHOGM

‘Ua tō’ai taunu’u mai ‘i Sāmoa le Va’atele ‘a Niu Sila le HMNZS Canterbury ma lana ‘auva’a ‘auā le lagolago ‘iā Sāmoa mō lana taligāmālō fa’apea saogalemu mō le fonotaga ‘a le CHOGM ‘o le ‘a alo atu ai Sāmoa ‘i le vaiaso fou.

Na fa’afeiloa’ia ‘e le Komesina Mauāluga ‘o le Mālō Niu Sila H.E. Si’alei Van Toor le ‘aumalaga ‘a le HMNZS Canterbury, ‘o lo’o ta’itā’ia mai ‘e le Ali’i Commander ‘iā Martin Walker.

‘Ua taunu’u mai ai fo’i ‘i fanua nei, ta’avale ‘e 5 ‘a le falema’i ‘a le ‘au’aunaga ‘a le St John mai Niu Sila, ‘auā fa’alavelave tutupu fa’afuase’i, fa’apea health related issues (mātaā’up tau ‘i le soifua mālōlōina) ‘o le usugāfono, fa’apea le fesoasoani ‘ia lava ta’avale ‘i Moto’otua, ‘auā tagatanu’u ‘a Sāmoa ‘i le taimi ‘o le fonotaga.