Tatalaina le nofoāga $33miliona (ST) ‘a le Sāmoa Police Academy ‘i Tāfa’igata

‘O le aoauli ‘o le Aso Gafua ‘i Tāfa’igata na tatalaina āloa’ia ai le nofoāga fou ‘o le Sāmoa Police Academy, po’o le Ā’oga Fa’aa’oa’o ‘a Leoleo ‘i Sāmoa.

‘O le Afioga ‘i le tama’ita’i Pālemia ‘iā Fiamē Naomi Matā’afa ma le ‘Amapasa ‘o Saina ‘i Sāmoa o Fei Mingxing na tipiina le līpine ‘e tatala ai le nofoāga fou mō lona fa’aāogāina.

‘O lenei fa’amoemoe na fa’atupeina ‘e le Mālō Saina, ma ‘o le tau ‘atoa ‘o le gāluega, ‘e $33miliona (ST).

Sā ‘auai sui ‘o le kapeneta, fa’apea le Ta’ita’i ‘o le ‘Itū Āgai Hon. Tuilaepa Dr. Sa’ilele Malielegaoi, fa’apea le Fofoga Fetalai ‘o le Palemene ‘a Sāmoa, Hon. Papali’i Li’o Taeu Masipa’u.

ATA: Taunuuga Toatasi / Savali Newspaper.