Tatalaina Aloā’ia le polokalama fa’alauiloa ‘e tete’e atu ‘i Fuāla’au Fa’asāina

‘O le asō na tatalaina aloā’ia ai le faitauina ‘o le 12 māsina ‘o le polokalama fa’alauiloa ‘ua ta’imua ai le Matāgaluega ‘a le Leoleo ma le Mālō ‘e tete’e atu ‘i Fuāla’au Fa’asāina ‘i le atunu’u.

‘I se fa’atalanoaga ma le Afioga ‘i le Komesina ‘o Leoleo Auapaau Logoitino Filipo, na ia tā’ua ai “’i le ‘amata mai le 2001 ‘e tau mai ‘i le tausaga lenei (2025), ‘ua matuā alu ‘i luga le si’itiaga ‘o le tūlaga ‘i Fuāla’au Fa’asāina, ‘aemaise lava le fuāla’āu lea ‘o le ‘Aisa (Methamphetamine) – fa’afetai fo’i ‘o lea ‘ua tūla’i mai le Mālō, lea ‘ua iai le campaign lea ‘e 12 māsina mo le tete’e atu ‘i Fuāla’au Fa’asāina.

‘O lenei fa’amoemoe na saunoa ai le ‘i le Saunoaga ‘Autū le Afioga ‘i le Minisita ‘o Tupe, ‘o le Sui Minisita fo’i ‘o le Matāgaluega ‘o Leoleo, Hon. Mulipola Anarosa Molio’o – ‘ua ta’imua le Mālō ‘e puipuia Sāmoa ma tete’e atu ‘i fualā’au fa’asāina, ‘e ala ‘i le faia ‘o siaki (Drug Test) mō tagata faigāluega ‘uma ‘i matāgaluega ‘a le Mālō.

ATA: Government of Samoa / Videos: Murray Faivalu (SCR).