Tatala le Pōlōketi $12 Miliona Tālā mō le Saogālēmū ‘i le Taulaga ma le Ālaleo mō Fa’alavelave Fa’afuase’i

by | Oct 7, 2024 | Sāmoa

Sā fa’ataunu’uina ‘i le afiafi ‘o le Aso Faraile ‘i le Taumeasina Island Resort se sauniga fa’apitoa ‘e tatalaina aloā’ia ‘o le Pōlōketi mō le Saogālēmū ‘i le Taulaga fa’apea le Ālaleo mō Fa’alavelave Fa’afuase’i ‘e silia ma le $12 miliona tālā le tau ‘o lona fa’atupeina.

‘O lea pōlōketi ‘o lo’o gafa ma le ‘Ofisa ‘o Leoleo, Falepuipui ma Toefuata’iga ‘a Sāmoa (SPPCS) ‘e saunia ai ‘i latou mō le Fonotaga ‘a Ulu ‘o Mālō ‘o le Taupulega (CHOGM).

O lea pōlōketi na tatalaina ai:

  • Le Ālaleo mō feso’ota’iga tau lava ‘o Fa’alavelave Fa’afuase’i ‘e fa’aaogā ai: ‘O lenei feso’ota’iga fa’ailoga fou P25 ‘o le ‘a lē gata ‘ina suia ai le faiga tuai ‘ae ‘o le ‘a fa’aleleia atili ai a tatou atina’e tau ‘i feso’ota’iga ‘i taimi ‘o fa’alavelave fa’afuase’i.

 

  • Safe City CCTV Network: ‘E ala ‘i le faʻatinoina ‘o se fesoʻotaʻiga fa’a-CCTV (masini pu’e ata) mā ‘o le ‘a atili ai le saogālēmū ‘o le lautele ‘ae fa’amautinoa ai fo’i ‘ua tatou sauni mō le CHOGM 2024 o lo’o loma nei.

 

  • Samoa Police Operations Centre: Toe fa’afouina le S-POC ‘o le ‘a fa’amālosia ai a tatou leoleo ‘i meafaigāluega’ e mana’omia mō le fa’atinoina lelei ‘o puna’oa ma le mata’ituina ‘o feso’ota’iga ‘a le Safe City.

Tūsia: Taunuuga Toatasi & Jasmine Netzler-Iose / Sāvali Newspaper.