Tatala aloā’ia le VIP Terminal ‘i Faleolo a’o lumana’i ai le CHOGM

‘O le afiafi ‘o le Aso Faraile na tatalaina aloā’ia ai le VIP Terminal fou na o’o atu lona tau ‘i le $11 miliona tālā ‘i le malae va’alele fa’avā’omālō ‘i Faleolo.

‘O lea vāega fou ‘i le malae va’alele ‘ua fuafuaina ‘e fa’aaogā mō mālō ‘e asiasi mai ‘i le atunu’u, ‘aemaise ‘o lo’o loma le fonotaga ‘a Ta’ita’i ‘o Mālō ‘o le Taupulega, ‘o le ‘a mafai ‘ona fa’aaogāina ai.

‘O lenei poloketi na fa’atupeina ‘atoa ‘e le Pūlega ‘o Malae Va’alele ‘a Sāmoa. ‘O le fausiaina ‘o lea gāluega na fa’atinoina ‘e le Zheng Construction Company, ma sā ‘amata mai ‘iā Nōvema 2023 ma na fa’amāe’aina ‘iā ‘Aukuso 2024.

ATA: Zheng Construction Company.