Tatala aloā’ia le nofoaga mautū mō Gasegase ‘o le Mafauafu

‘Ua tatala aloā’ia ma fa’apa’iaina le ‘Ofisa Mautū ‘a le Fa’alāpotopotoga ‘o ‘i latou ‘e ‘i ai a’afiaga tūmau’ o le mafaufau [Goshen Trust] ‘i lona nofoaga fou ‘i Vailima.

‘O lenei galuega ‘e fogāfale lua, ma na fa’atupeina ‘e le Mālō o ‘Iāpani, ‘i lona tau aofa’i ‘e ‘$454,000, ‘e aofia ai le 1 potu tele mō fa’atasiga, 1 le potu mō le ‘Ofisa, 1 le potu mō fa’atalatalanoaga, 2 faleui, 2 fale tā’ele, ma potu ‘e 16 ‘e fa’aāoga mō ‘i latou ‘o lo’o tausia ma a’oa’oina ‘e le Goshen Trust.

O lenei Fa’alāpotopotoga sā fa’avaeina mai le 2009, ‘i le sini ‘autū ‘ina ‘ia tu’uina atu le fesoasoani mō ‘i latou ‘ua a’afia le mafaufau.

O lo’o galulue fa’atasi le Matāgāluega ‘o le Soifua Mālōlōina ‘i le Vāega Fa’apitoa fo’i ‘o lo’o gafa lava mā lea ‘au’aunaga tāua mā lenei Fa’alāpotopotoga, ‘ina ‘ia fa’atalanoa ma tu’uina atu le fesoasoani talafeagai mō ‘i latou ‘e ‘i ai a’afiaga ‘o le mafaufau, ‘ina ‘ia mafai ‘ona suia ma manuia, ‘ina ia toe fo’i atu ‘e mafuta ma nai ō latou ‘āiga.

ATA: Taunuuga Toatasi / Sāvali Newspaper.