Solofua le Palemia ma le isi to’atolu, ‘ae fa’amaonia ‘e le fa’amasinoga mōliaga ‘o Sam Sua ma Sivai Kepi

‘Ua māe’a fa’ailoa mai le fa’ai’uga ‘a le Afioga ‘i le tama’ita’i fa’amasino sinia, le Afioga ‘iā Talasa Atoa Sa’aga, ‘e tusa ai ma moliaga ‘e fa’asaga ‘i le Afioga ‘i le Ali’i Palemia, le Susuga ‘i le Laʻaulialemalietoa Leuatea Polataivao Schmidt ma le isi to’alima ‘o lo’o mōlia faatasi ai: Fepuleai Faimata Sua, Fataumalama Lio, Lise-Marie Schmidt, Sam Sua ma Sivai Kepi – ma ‘ua solofua le Afioga ‘i le Palemia, Fepulea’i, Fataumalama fa’apea Lise – ‘ae ‘ua fa’amaonia ‘e le fa’amasinoga moliaga ‘o Sam Sua ma Sivai Kepi.

‘O moliaga ‘e aofia ai le tu’uina atu ‘o molimau sesē ‘i leoleo, taumafai ‘e ufiufi le mea moni, fa’apea le taumafai ‘e fafau molimau ma fa’amatalaga sesē fa’apea le taumafai ‘e fa’alavelaveina le fa’agāsologa ‘o galuega ‘a le fa’amasinoga.

‘O lenei matā’upu na āfua mai ‘i se fa’alavelave na maliu ai se ali’i talavou ‘i Vaitele ‘i le 2021.

‘O lo’o tālia nei nisi fa’amatalaga ‘i lenei matā’upu, ma ni la’asaga ‘e ono tūla’i mai, fa’apea ai ma fa’asalaga ‘e fa’atinoina ‘e Sam ma Sivai.

This is a developing story, more information to follow …

ATA: SCR / Junior S. Ami (Samoa Observer) / Talamua Media