Si’itia nisi ‘o agava’a ‘o leoleo ‘a Sāmoa ‘i ‘Ausetālia a’o lumana’i ai le CHOGM

Na fa’atautaia ‘e Leoleo ‘a Sāmoa ni a’oā’oga fa’apitoa ma leoleo ‘a ‘Ausetālia ‘i Canberra i le māsina na te’a nei, ‘ona ‘o tāpenaga ‘a Sāmoa a’o lumana’i ai le Fonotaga ‘a Ulu ‘o Mālō ‘o le Taupulega (CHOGM) 2024.

Sā gālulue vāvālalata le Vāega ‘o Tactical Operations ‘a le Sāmoa Police Tactical Operations Section (TOS) ma sui ‘o le AFP’s Tactical Response Team (TRT) ‘i aʻoāʻoga faʻapitoa, muamua ‘e tali atu lea ‘e fō’ia ni lamatiaga faʻagaioiga ‘i luma atu ‘o le CHOGM ma fausia le gafatia lelei ‘e leoleo ‘a Sāmoa ‘e tali atu ‘i ia tūlaga.

‘O lea a’oā’oga sā tu’uina atu ‘i lalo ‘o le Sāmoa Australia Police Partnership (SAPP) lea ‘e faamanatu ai ‘i le tausaga nei le 15 tausaga ‘o faigāpa’aga ‘a le AFP ma le ‘Ofisa ‘o Leoleo ‘a Sāmoa.  E to’asefulu ‘ofisa ‘o le TOS na ‘auai ‘i le tele ‘o fa’ata’ita’iga fa’aa’oā’oga ma fa’ata’ita’iga e taula’i ‘i le fofō fa’apitoa ‘o fa’alavelave mata’utia tele.

Na maua ‘e le ‘au ‘ofisa Sāmoa ni mālamalama’aga ‘i le tāua tele ‘o le gāluega ‘a le AFP TRT ‘o loʻo faia ‘i faʻalavelave tetele ‘e le gata ‘i ‘Ausetālia fa’apea le vā ’o mālō, faʻatasi ai ma le ‘auala ‘e sāuniuni lelei ai le AFP mo toleniina ‘e faʻamautinoa ai le tuʻuina atu ‘e sui ‘auai ‘o se ‘au’aunaga mauāluga ma le saogālemu.

ATA: AFP Media / Joint media release between the AFP and Sāmoa Police, Prisons and Corrections Services.