Pa’ulia, Mū ma Goto ifo le Va’a tele ‘a Niu Sila le HMNZS Manawanui ‘i gātaifale ‘o Sāmoa

‘O le afiafi ‘o le Aso To’ona’i 05 ‘o ‘Oketopa na pa’ulia ai le Va’a tele ‘a Niu Sila (NZ Navy Vessel) le HMNZS Manawanui ‘i talafatai ‘i saute ‘o ‘Upolu ‘i le ā’au ‘e lata ‘i le afio’aga ‘o Siumu, ma mū ai ‘i le pō lava lea.
‘O le taeao nei Aso Sā 06 ‘o ‘Oketopa na goto ifo ai le va’a, ‘ae ‘o le fa’afetai na mafai ‘ona fa’asaoina le ‘auva’a ‘e 75 na ‘i luga ‘o le va’a ‘i lea taimi, ‘i le fesoasoani vave ‘a le Matāgāluega ‘a Leoleo fa’apea le Tinei Mū ‘a Sāmoa ‘i le pō ‘anapo.