Maliu se tamā 54 tausaga ‘i le Taumeasina Hideaway ‘i Moata’a

‘Ua i lima nei ‘o le Matāgaluega ‘o Leoleo su’esu’ega ‘i se tamā ‘e 54 tausaga, na maliu ‘i le pō ‘o le Aso To’ana’i ‘ua mavae atu nei ‘i le Taumeasina Hideaway ‘i Moata’a.

‘Ua fa’ailoa ‘i Talafou ‘e se sui ‘o le ‘āiga ‘o lē ‘ua maliu, ‘e fai si ogaoga ‘o manu’a ‘i le ulu ma le tino ‘o lea tamā, ma ‘ua āga’i fo’i su’esu’ega ‘a le Matāgaluega ‘o Leoleo ‘ina ‘ia aoina mai ‘i lātou na molimauina le fa’alavelave na tūla’i mai.

‘I se pepa ‘o fa’amatalaga mai le Matāgaluega ‘o Leoleo, ‘ua taofia nisi ‘o ‘i lātou ‘ua masalomia, ma ‘ua tāpunia fo’i lea pisinisi mō se taimi lē tūmau a’o faia su’esu’ega ‘a malu ‘o le mālō. 

IMAGE/ATA: SCR / Murray Faivalu