Māe’a le tofiga ‘o le Komesina ‘o Leoleo Auapa’au Logoitino Filipo –10 ‘o ‘Oketopa 2025 – I’uga ‘a le Kapeneta

‘O le asō (Aso Faraile 10 ‘o ‘Oketopa 2025) le aso mulimuli ‘o le Afioga ‘i le Komesina ‘o Leoleo Auapa’au Logoitino Filipo ‘i lenei tofiga, ‘e pei ‘ona i’u iai se finagalo ‘a le Kapeneta ‘i lana fonotaga ‘i le Aso Lulu ‘o le vaiaso nei.

‘O le tofiga ‘a le Afioga ‘iā Auapa’au na fuafua ‘e fa’amutaina ‘iā Iulai ‘o lenei tausaga, ‘ae na tu’uavanoa ai le faigāmālō talu ai, se’ia toe fa’asalalau le galuega.

‘O le Aso Tofi na ‘a’ami ai ‘e le Afioga ‘i le Sui Minisita ‘o le Matāgaluega ‘o Leoleo Hon. Mulipola Anarosa Molio’o le Komesina, ma fa’ailoa ai le finagalo ‘a le Kapeneta, ‘e pei ‘ona i’u iai.

ATA: Samoa Police / Video: Murray Faivalu (SCR).