Lima ta’avale 4×4 ‘ua tu’uina atu ‘e le Mālō Iāpani mo le Pūlega ‘o le Suāvai

‘E lima ta’avale fou na tu’uina atu ‘e le Mālō ‘o Iāpani ‘i le Pūlega ‘o le Suāvai (SWA), ma toe fa’amautūina ai le lātou fa’amoemoe ‘e lagolago le atina’e ‘o Sāmoa ma le soifua manuia ‘o ona tagata.

‘O ta’avale Toyota Land Cruisers 4×4 ‘e lima, ‘o lo’o fa’atupeina ‘i lalo ‘o le fesoasoani ‘a Iāpani mo Grass-Roots Human Security Projects (GGP) ‘o le ‘a mātua fa’aleleia atili ai gāluega ‘a le SWA ‘e tu’uina atu ai le suāvai saogālēmū ma le fa’atuatuaina ‘i totonu ‘o Sāmoa.

‘O se sauniga ‘o le tu’uina atu ‘i le māota ‘o le SWA ‘i Vaitele ‘i le taeao nei, sā ‘auai ai le ‘Amapasa ‘o Iāpani ‘i Sāmoa, H.E. Mr. SENTA Keisuke, Minisita ‘o Gāluega, Fela’uā’iga ma Atina’e ‘Ese’ese, Hon. Olo Fiti Afoa Vaai ma le mamalu ‘o le ‘auvala’aulia, ‘ua fa’ailogaina ai se matāti’a ‘o le faigāpa’aga ‘o lo’o fa’agāsolo pea ‘i le vā ‘o Iāpani ma Sāmoa.

ATA: Embassy of Japan in Sāmoa.