Laumanu’ia solo mai ‘i tua ane ‘o afio’aga ‘o Faleatui ma Satapuala le ali’i ‘o Lauititi Tualima

‘O lea ‘ua sāvalia atu ‘i le 2 māsina ‘e le’i maua lava le ali’i ‘iā Lauititi Tualima talu ‘ona sola ‘ese mai ‘i le falepuipui ‘i Tamumalala. Fa’amaonia mai ‘e le Sui Komesina ‘o Leoleo Leiataua Samuelu Afamasaga, ‘o lo’o ‘ua gafa nei ma se vāega fa’apitoa ‘o leoleo ‘ua tōfia, ‘e sā’ilia Lauititi.

Saunoa Leiataua, ‘o lo’o laumanu’ia solo mai ‘i tua ane ‘o afio’aga ‘o Faleatui ma Satapuala lea ali’i, ma ‘ua talosagaina ai fo’i ‘e le matāagaluega le pule māmalu ‘a ali’i ma matai ‘o ia afio’aga, ‘ina ‘ia fesoasoani mai ‘i le latou galuega.

Pei ‘ona silafia, ‘ua ofo atu ‘e le matāgaluega se taui tau sēleni mō so’o se tasi na te fa’ailoa mai ‘i le matāgaluega, se nofoāga ‘o lo’o lafi ai Lauititi.

ATA: Samoa Police, Prisons & Corrections Services.