Fuafua le Mālō ‘e toe fa’afo’i mai le Tui Sāmoa cable ma le Digital TV

‘Ua lē toe nātia ‘e le afioga ‘i le ta’ita’i ‘o le atunu’u, le Afioga ‘i le Palemia ma sui ‘o le Palemene le folasia ‘o le iloiloga ‘o nisi ‘o itū fa’alētonu ‘o le ‘au’aunaga ‘o le kamupanī telefoni ‘e lua ‘o lo’o i le atunu’u ‘i le tūlaga tau feso’ota’iga, ‘e lē gata ‘i le tūlaga ‘e le’o lelei ma ‘e le’o so’o ‘uma ai tulimanu ‘o le atu Sāmoa, ‘a e ‘ua ‘avea fo’i ma atugaluga ‘o tagata lautele le tūlaga ‘o le tau ‘o ana ‘au’aunaga ‘ese’ese tau initaneti.

Na tali le afioga ‘i le Minisitā ‘o Feso’ota’iga ma ‘Auala Fa’atekonolosi ‘i atugaluga na lāgā mai ‘e nisi ‘o sui faipule ‘o le maota, ‘e aofia ai ma le faipule ‘o le itūmālō ‘o Falelātai ma Samatau, ‘o lea ‘ua fa’aofi mai ‘e le ‘au’aunaga ‘a le Starlink, ‘e tau ‘ina tali atu ai fa’alētonu ‘o lo’o iai ‘i le taimi lenei ‘i feso’ota’iga mai isi vāega ‘aemaise lava ‘i Salāfai, ‘e tālia ai nisi ‘o taumafaiga ‘ua ‘a’apa nei le mālō ‘e toe iloilo ma ‘ia fa’atino ‘i se taimi āga’i atu ‘i le lumana’i.

IMAGE/ATA: Submarine Networks