Feiloa’i atu le Afioga ‘i le Palemia ‘i le ‘Ōfisa Sili ‘o le Matāgaluega ‘o le Vā ‘i fafo ma Fefa’ataua’iga ‘a Niu Sila

‘Ua feiloa’i atu le ‘aumalaga mai Niu Sila, ‘o lo’o ta’ita’ia mai ‘e le ‘Ōfisa Sili ‘o le Matāgaluega ‘o le Vā ‘i fafo ma Fefa’ataua’iga ‘a lea fo’i mālō, le susuga ‘iā Bede Corry, ‘i le Afioga ‘i le ta’ita’i ‘o le atunu’u La’auli’alemālietoa Polāta’ivao Fosi Schmidt.

‘I lenei feiloa’iga ma le Afioga ‘i le Palemia ma lana kapeneta ‘i le Aso Gafua ‘o le vaiaso nei, sā fa’atasi atu ai fo’i ma le ‘Amapasa ‘o Niu Sila ‘i Sāmoa, le Afioga ‘iā Si’alei van Toor, fa’apea fo’i ma ali’i ma tama’ita’i ‘ōfisa ‘o le mālō ‘o Sāmoa.

‘O le ‘auga ‘o lenei āsiasiga, ‘e fa’atalanoaina ai so’otaga ‘i vā ‘o atunu’u ‘e lua, ‘i nisi ‘o matā’upu fa’avā’omālō ‘i le vā ‘o Niu Sila ma Sāmoa.

IMAGE/ATA: Government of Samoa Facebook