Feiloa’i atu Fiamē ‘i le Palemia ‘o Iapani Kishida Fumio

‘O le Aso 17 ‘o Iulai, na feiloa’i atu ai le Afioga ‘i le Palemia ‘o Sāmoa Fiamē Naomi Matā’afa ‘i le susuga ‘iā Kishida Fumio ‘o le Palemia o Iapani, ‘i se fonotaga fa’avāomālō ‘a  Iapani ma Sāmoa, a’o ‘i Iapani le Afioga ‘i le Sa’o Fa’apito ‘i fonotaga lona 10 a Ta’ita’i ‘o Atumotu ‘o le Pasefika (PALM10). O le aotelega ‘o le lā feiloa’iga ma Kishida na aofia ai:

Le fa’atalanoaina ‘o le gālulue fa’atasi ai ‘o Iapani ma Sāmoa ‘i le fa’amalosia atili lea ‘o le “kizuna” i le va ‘o Iapani ma atunuu ‘o le Pasefika, ‘i le tali atu lea ‘i le “2050 Strategy for Blue Pacific Continent,” ma ‘ia ‘avea lea fonotaga ma se avanoa e feso’ota’i ai ‘i totonu ‘o le atunu’u faapea fo’i ‘i fafo le itu o lo’o aga’i fa’atasi ai Iapani ma atunuu ‘o le Pasefika.

Na taʻua ‘e le Palemia Kishida, ‘o Iapani ‘e tūtusa ‘uma le lagona ‘o le faʻalavelave ‘e faʻapea ‘o suiga ‘o le tau ‘o le tasi lea ‘o faʻamataʻu sili ‘ona ‘i ai ma faʻaālia ai lona faʻamoemoe ‘o le Pacific Climate Change Center (PCCC) ‘o le ‘a ‘avea ma nofoaga ‘autū mo le faʻalauiloaina ‘o le atinaʻeina ‘o tagata faigaluega ma le fefaʻasoaaʻi ‘o faʻamatalaga ma tekinolosi ‘i le itulagi, ‘e ala ‘i le fa’amamafaina ‘o le tāua ‘o le fesoasoani ‘i le PCCC

Na fēfaʻasoaaʻi Palemia ‘e 2 ‘i matā’upu ‘e uiga fo’i ‘i atina’e ma tamaoāiga ‘o atunu’u ‘e lua.

ATA: PM Fiamē Naomi Matā’afa & PM Kishida Fumio / Ministry of Foreign Affairs Japan.