LISTEN LIVE

Feiloa’i atu Fa’auluuluga ‘o le Mālō Sāmoa ‘i fafo ‘i le Ao Mamalu ‘o le Mālō

by | Oct 31, 2024 | Sāmoa

‘O se avanoa fa’a’auro ‘e lē māsani ‘ona maua ‘e le to’atele ‘o tagata, ‘e o’o lava ‘iā ‘i lātou ‘o lo’o fa’auluulu ai ‘Ōfisa Fa’a-le-Mālō ‘a Sāmoa ‘i fafo, lea na maua ‘i le aoāuli ‘o le Aso Lua (29 ‘Oketopa), na feiloa’i atu ai ‘i le  Ao Mamalu ‘o le Mālō lana Afioga Tuimaleali‘ifano Va’aleto’a Sualauvi II mā le Masiofo ‘iā Faamausili Leinafo Tuimaleali‘ifano ‘i Vailele.

‘E to’avalu fa’auluuluga ‘o Sāmoa ‘i fafo sā asiasi fa’apitoa ‘i le māota ‘o le Ao ‘o le Mālō. Na fa’aalia ‘e le ‘Amapasa Sili ‘o Sāmoa ‘i Iapani H.E. Fa’alavaau Perina Jacqueline Sila Tualaulelei lona loto fa’afetai ‘i le Atua mō lea avanoa fa’a’auro.

‘O lea fonotaga na ‘avea ma avanoa mō Ulu ‘o Misiona ‘i fafo ‘e mōmoli atu ai le agaga fa’afetai ‘i le Afioga ‘i le Ao ‘o le Mālō Tuimaleali‘ifano ma le Masiofo, ‘ona ‘o le tatalo ma fa’amanuiaga mō le Fono ‘a Ulu ‘o Mālō ‘o le Taupulega ‘ua māe‘a manuia.

‘O se avanoa fo’i ‘e fa’asoa fa’alaua’itele ai mā ‘i lātou ‘i le tele ‘o tala matagofie ‘e uiga ‘i atunu’u mā mālō ‘o lo’o gālulue ai ma fa’amautū ai misiona ‘a Sāmoa.

‘O fa’auluuluga nei ‘o misiona ‘a Sāmoa ‘i fafo na ‘auai atu ‘i lea feiloa’iga:

  • Sāmoa’s High Commissioner to Canberra, Australia, H.E Ms Hinauri Petana
  • Sāmoa’s Consul General to Sydney, Australia, Mr. Tuaopepe Manu’a Dr. Cam Wendt.
  • Sāmoa’s Ambassador Extraordinary and Plenipotentiary to the Kingdom of Belgium H.E. Mrs. Francella Strickland
  • Sāmoa’s Ambassador Extraordinary and Plenipotentiary to the People’s Republic of China H.E. Mr Luamanuvae Albert Mariner
  • Sāmoa’s Ambassador Extraordinary and Plenipotentiary to Japan H.E. Ms Fa’alavaau Perina Jacqueline Sila Tualaulelei
  • Switzerland, Geneva, Permanent Mission of Sāmoa to the UN and Other International organisations, Ambassador Extraordinary & Plenipotentiary Permanent Representative Head of Mission H.E. Toleafoa Nella Pepe Levy
  • Sāmoa’s High Commissioner to Fiji, H.E. Mr Aliioaiga Feturi Elisaia

• Sāmoa Consul General in American Samoa, Mr. Fata Brian Kaio

ATA: Sāvali Newspaper.