Faimalaga mai ‘i Sāmoa le Pacific Community Director General ‘e fa’amautū avanoa mō le manuia lautele ‘o le atunu’u

‘O se taimi muamua ‘ua asiasi mai ai ‘i Sāmoa le Ta’ita’ifono ‘o le fa’alāpotopotoga ‘o le Pacific Community, le fōma’i ‘ia Dr. Paula Vivili ma lana ‘aumalaga.

‘O le fa’amoemoe ‘o le faigāmalaga ‘ina ‘ia feiloa’i atu ‘i le ta’ita’i ‘o lō tātou atunu’u, fa’auluulu ‘o matāgaluega ‘uma, ‘aemaise ‘o pā’aga ‘uma ‘o lo’o gālulue fa’atasi, ‘ina ‘ia fa’amautū avanoa ‘e mafai ai ‘ona gālulue fa’atasi Sāmoa ma fa’alāpotopotoga mai le pasefika.

‘O le va’ai mamao, ‘ia agava’a Sāmoa ‘i avanoa ‘e fa’amanuiaina ai ‘i vāega ‘ese’ese, pei ‘o ātīna’e mo le manuia lautele ‘o le atunu’u, ma se fesoasoani ‘e ūna’ia ai lō tātou tamao’āiga.

‘O se taimi muamua lenei ‘ua faimalaga mai ai ma feiloa’i atu ‘i ta’ita’i ‘o le atunu’u talu ‘ona ‘āmata mai lenei so’otaga ‘i le tausaga ‘ua mavae 2025.

‘O le Afioga ‘i le Sui Palemia, Hon. Mulipola Anarosa Ale Molio’o, ‘o ia lea na feiloa’i atu ai ‘i le ‘aumalaga mai le Pacific Community organization.

IMAGE/ATA: Government of Samoa