Fai meaalofa le ‘Ōfisa ‘o le ‘Āmepasa ‘a Siāmani ‘i Ueligitone, ‘i kesi ā’oga, nōfoa fa’apea fata tusi mō le Sili Primary School ‘i Savai’i

‘Ua faimeaalofa le ‘Ōfisa ‘o le ‘Āmepasa ‘a Siāmani ‘i Ueligitone ‘i kesi ā’oga, nōfoa fa’apea fata tusi mō le Sili Primary School ‘i Savai’i. ‘O le tau ‘ātoa ‘o nei ‘ōloa ‘e o’o atu ‘i le $30,000 tālā Sāmoa.

‘O lenei poloketi ‘o se fesoasoani na saunoa le Konesula ‘o Siāmani ‘i Sāmoa, Afoa Stefan Szegedi “’o se talosaga na tu’u atu ‘e le Pule Ā’oga, ‘ona ‘o le lē lava ‘o ni laulau fa’apea nōfoa ‘i nisi ‘o potu ā’oga.”

Sā fa’afetaia ‘e le tama’ita’i Pule Ā’oga le susuga ‘iā Vinepa Niniva le ‘Ōfisa ‘o le ‘Āmepasa ‘a Siāmani ‘i Ueligitone ‘ona ‘o lenei fesoasoani tāua ‘auā alo ma tamafānau ‘o le āfio’aga ‘o Sili fa’apea le ītūmālō.

ATA: German Consul to Sãmoa.