Fa’au’u aloā’ia le Afioga ‘iā ‘Aki’epikopō Mosese Vitolio Tui

‘O le asō (Aso Tofi, 22 ‘Aukuso 2024), na molimauina ai ‘e Sāmoa āoāo ma le lalolagi ‘i luga ‘o ‘upega tafā’ilagi, le fa’au’ga aloā’ia mo le fa’ae’eina atu ‘o le tofiga mo le Afioga ‘i le ‘Aki’epikopō ‘iā Mosese Vitolio Tui mo le Pule’aga ‘a Sāmoa, Apia ‘i le ‘Ekalesia Katoliko.

‘O le Afioga ‘iā ‘Aki’epikopō Mosese Vitolio Tui, ‘ua tusi ‘a’ao ‘i ai le Tamā Pa’ia ‘iā Pope Francis ‘o le Ta’ita’i Aoao ‘o le ‘Ekalesia Katoliko ‘i le lalolagi, ‘e ‘avea ma ‘Aki’epikopō mo le Pule’aga ‘a Sāmoa-Apia, ‘e sui tūlaga ‘i le Afioga ‘iā Alapati Lui Mata’eliga ‘ua tu’umālō ‘i le Aso 25 ‘o Aperila 2023.

Na fa’atumulia le lotoā ‘o le ‘Ekalesia le Tōfāmamao ‘i Leauva’a ‘i tagata lotu, ‘aemaise ‘o Ta’ita’i ‘o le ‘Ekalesia mai le Pasefika, fa’apea Ta’ita’i ‘o le Mālō Sāmoa, fa’apea ‘Ekalesia ma lotu ‘i Sāmoa.

ATA: Leota Marc Membrere / Sāvali Newspaper.