Fa’apaleina Haylani Pearl Kuruppu ma Tausala Sāmoa ‘o le Atulaulau 2024

‘Ua silia nei ma le 30 tausaga talu ‘ona toe ‘auai atu se tama’ita’i Sāmoa ‘i le tauvaga fa’avāomālō ‘a le lalolagi ‘ua fa’aigoaina ‘o le Tausala ‘o le Atulaulau po’o le Miss Universe.

‘O lea ‘ua fa’apaleina ai le tama’ita’iā Haylani Pearl Kuruppu ‘e fai ma ‘ave fu’a ‘a lō tatou mālō ‘i lea tauvaga. ‘O Haylani sā ‘avea ma Tausala ‘a Sāmoa ‘i le tausaga 2022.

‘O le Afioga ‘i le Sui Pālemia ‘iā Tuala Tevaga Iosefo Ponifasio sā fai ma sui ‘o le mālō ‘e mōmoli se fa’afetai fa’apitoa ‘aua lenei fa’amoemoe. Na saunoa Tuala, “ia toa le loto e finau mo se ‘ai mo Samoa, ma ia ‘aua ne’i fefe e fesāga’i ma le fia afe o fofoga o le ā maimoa atu i le tauvaga o le ā tausiniō ai.”

Congratulation Haylani, ‘ia manuia lou alofaiva.

ATA: Pesetā Tusiga Taofiga / Sāvali Newspaper.