Fa’amuamua ‘e le Minisita ‘o Falema’i le lē lava ‘o fuāla’au ma vailā’au mo’omia ‘i le atunu’u

‘O le lē lava ‘o fuāla’au ma vailā’au mo’omia mō togafitiga ‘o gasegase ‘i so’o se maota gasegase fa’aitūmālō ‘e o’o ‘i maota gasegase ‘i Tuasivi ma Moto’otua, ‘o le gaiōiga muamua lava lea ‘a le Minisita fou ‘o le Matāgaluega ‘o Falema’i le Tōfā Hon. Va’aaoao Salumalo Alofipo.

‘E le’i ‘alo le saunoaga ‘a le Minisita ‘ina ‘ua saunoa ‘o le ripoti ‘e tasi ‘e fa’ao’o atu ia te ia, ‘i le ‘uti’uti ‘o fuāla’au ma vailā’au ‘e maua ‘e maota gasegase ‘uma ‘i le atunu’u.

ATA: Ministry of Health Sāmoa / Video: Murray Faivalu, SCR