Fa’amāvae atu sui ‘o le Palemene ‘i le Afioga ‘iā Sāpa’u Lilomaiava Lolesio Vītale ‘ua tu’umālō

‘Ua fa’atōfā atu ‘e ala ‘i le sauniga fa’alemālō, le Afioga ‘i le Palemia ‘e fai ma sui ‘o le Palemene, ‘ātoa ai ma le Afioga ‘i le Ao Mamalu ‘o le mālō ‘o Sāmoa, Tuimaleali’ifano Va’aleto’a Suālauvī Ⅱ,‘i sē tasi ‘o tulatoa ‘o le atunu’u sa tautua mo Sāgaga le Falefā ‘i le paea’iga numera sefulu, Sāpa’u Lilomaiava Lolesio Vītale.

‘I le tala’aga ‘o lona soifua tautua ‘i le mālō, na fofogaina ma talatala lea ‘e le Afioga ‘i le Palemia, La’auli’alemālietoa Polata’ivao Fosi Schmidt. Sa ia fa’afetaia le tautua matavela ‘a lea tamāli’i mo le mālō, ‘aemaise lō tātou atunu’u ‘o Sāmoa.

IMAGE/ATA: Savali Newspaper Facebook