Fa’amatalaga Aloā’ia mai le Lakapī Sāmoa ‘i mōliaga ‘e fa’asaga ‘i le Faiā’oga Ulu ‘a le Manu Sāmoa

‘O le 9:09pm (taimi Niu Sila) na fa’ao’o mai ai ‘i le ‘aufa’asalalau se pepa ‘o fa’amatalaga aloā’ia mai le Lakapī Sāmoa, ‘e tusa ai ma mōliaga ‘i tu’uā’iga tau feusuā’iga (sexual allegations) ‘e fa’asaga ‘i le Faiā’oga Ulu ‘a le Manu Sāmoa, le susuga ‘iā Mase Mahonri Schwalger.

‘O le fa’amatalaga lea mai le Lakapī Sāmoa:

‘O lo’o silafia ‘e le Lakapī Sāmoa ni tu’uā’iga mātuiā ‘ua a’afia ai le tatou Faiā’oga Ulu ‘o le Manu Sāmoa, le susuga Mase Mahonri Schwalger.

 

‘Ua ‘uma ona līpotia le matā’upu ‘i leoleo, ma ‘o lo’o mātou gālulue fa’atasi ma le lātou su’esu’ega.

 

Mātou te lē toe faia ni fa’amatalaga ‘e fa’aaloalo ‘i le lē fa’alaua’iteleina ma aiā tatau ‘a ‘itū ‘uma ‘e a’afia ai.

 

A’o fa’aauau su’esu’ega, ‘o lo’o tūmau pea le fa’amaoni ‘a le Lakapī Sāmoa ‘i le tausisia ‘o tūlaga maualuluga ‘o le āmio ma le saunia ‘o se si’osi’omaga saogalemu ma fa’aaloalo mō tagata uma.

ATA: Press Release Lakapī Sāmoa / 27 September 2024 at 9:09pm (NZT).