Fa’amanuiaina tagata Sāmoa ‘e to’afā ‘i le Sikolasipi ‘a le Chevening ‘a Peretānia

‘E to’afā tagata Sāmoa ‘ua lē ‘o toe mamao ‘ona tu’ua lea ‘o le atunu’u mo le fa’aauauina ‘o a lātou a’oa’oga ‘i Peretānia ‘i lalo’ o le polokalame fa’asikolasipi ‘a le Chevening ‘a Peretānia.

‘O ‘i lātou nei ‘e to’afā ‘ua fa’amanuiaina:

Saouila Melissa Tolova’a o lo’o malaga atu e ā’oga ‘i le Queen Mary University ‘i Lonetona mo lana Master of Science in Cancer and Molecular Pathology and Genomics.

Olioliilealiieleaunoa Faletoese ‘ua manumālō ‘i se avanoa ‘i le Iunivesite ‘o Manchester mō a’oa’oga aga’i ‘i lana Master of Science in Global Development.

 Benaia Gregory Une ‘o le ‘a āʻoga ‘i le Iunivesite ‘o Essex mō se Matai ‘o Saienisi ‘i Lumanaʻi ‘o Siosiomaga ma Suiga ‘o le Tau.

 Afulilo Maataua Tapualii Leao Tuitama ‘o le ‘a su’e a’oa’oga mō le Master of Science in Public Policy ‘i le Iunivesite ‘o Strathclyde.

ATA: Supplied/ British High Commission Sāmoa