Fa’amanino ‘e le Pule Sili ‘o le M.E.C le mafua’aga ‘o le leai ‘o se Champ of Champs ‘i lenei tausaga 2024

‘Ua fa’amanino mai ‘e le afioga ‘i le Pule Sili ‘o le Matāgaluega ‘o Ā’oga ma Aganu’u (MEC) A’eau Chris Hazelman le mafua’aga ‘o le leai ‘o se Champ of Champs (CoC) ‘i lenei tausaga.

Na fa’ailoa ‘e A’eau, ‘o le Asosi ‘a Puleā’oga ‘o Ā’oga Maualūlūga ‘a Sāmoa ‘e nafa ma le Champ of Champs, ma na tuai ‘ona tusi ‘e talosaga le fa’aāogaina ‘o le malae ‘o le Apia Park Stadium mo lea faamoemoe na fa’atūlagaina ‘i tausaga ta’itasi ‘i le aso 30 ‘o ‘Aukuso.

Na logoina le Matāgaluega i le vaiaso pe lua talu ai na ia fa’amaonia mai ai. ‘E o’o atu ‘i le taimi na ‘a’apa atu ai le ‘Asosi ‘e tusi ‘i le malae mo le CoC, ‘ae ‘ua ‘uma ‘ona fa’amaufa’ailogaina ‘e le Mātagaluega ‘o Ta’aloga ma Fa’afiafiaga le vaiaso ’atoa mo le Iuni Lakapi mo le Manu Sāmoa, fai mai A’eau.

Ma ‘e ui ‘o lea ‘ua fa’agāsolo nei sone (SSAB Zone Internal School Athletics 2024) ‘i le vaiaso nei lea ‘o lo’o tauvā ai tama ta’a’alo ‘a kolisi mai ā’oga ‘ese’ese ‘i le atunu’u mo lea fa’amoemoe, ‘e gata lava ‘i le fa’amoemoe lea, ‘o le ‘a lē fa’asolo atu ‘i le Champ of Champs, ‘e pei ‘ona lē avanoa ai le nofoāga mo lea ta’amilosaga.

ATA: Taunuuga Toatasi and SSAB Apia Samoa.