Fa’amanatuina ‘i Sāmoa le 75 tausaga talu ‘ona fa’avaeina le Mālō Saina

‘O le afiafi ‘o le Aso Lua na fa’amanatu ai ‘e ta’ita’i ‘o le Mālō, sui ‘o mālō mai ‘i fafo, ma le sosaiete ‘a Saina ‘i Sāmoa le 75 tausaga talu ‘ona fa’avaeina le Mālō ‘o Saina.

‘O le afioga ‘i le Sui Pālemia ‘o Matamua Vasati Pulufana na fofogaina le saunoaga ‘autū ‘e fai ma sui ‘o le Mālō Sāmoa ma fa’afetaia Saina ‘ona ‘o lō latou naunau ‘e fa’aleleia so’otaga ma atina’e.

Sā ‘auai le Afioga ‘i le Ao Mamalu ‘o le Mālō Tuimaleali’ifano Va’aletoa Sualauvi II, Sui ‘o le Fono ‘a Sui Tōfia Le Mamea Ropati Mualia, Sui Pālemia, Minisita ‘o le Kapeneta, le Fofoga Fetalai, le Ta’ita’i ‘o le ‘Itū Agai ma Faipule ‘o le Palemene.

ATA: Government of Sāmoa / Leota Marc Membrere.