Fa’alauiloa le polokalame ‘o le Gun Amnesty ‘a le ‘Ōfisa ‘o Leoleo ‘a Sāmoa

Na fa’amauina ‘e le ‘Ōfisa ‘o Leoleo, Falepuipui ma le Toefuata’iga ‘a Sāmoa matā’upu ‘e 16 ‘e fa’atatau ‘i soligātūlafono na a’afia ai a’upega mālosi po’o fana ‘i le atunu’u, mai le Aso 01 Ianuari 2023 ‘i le Aso 30 ‘o Iuni 2024.

‘O lea fa’amoemoe na fa’aālia ‘e le Afioga ‘i le Palemia Fiamē Naomi Matā’afa ‘i lana saunoaga ‘autū ‘i le fa’alauiloa āloā’ia ai ‘o le polokalame ‘o le Gun Amnesty ‘a le ‘Ōfisa ‘o Leoleo ‘a Sāmoa ‘e ūna’ia ai le atunu’u ‘o lo’o ‘iai ni a’upega fa’asolitūlafono ma ‘e le’i lesitalaina ‘ina ‘ia tu’uina atu ‘i leoleo.

“’O lenei taumafaiga ‘e mulimuli mai ‘i fa’amāgalo manuia talu ai ‘i le 7 tausaga talu ai,” ‘o lana tala lea. ‘O le Gun Amnesty ‘i lenei tausaga ‘e ‘amata mai ‘i le Aso 01 ‘Aukuso se’ia o’o ‘i le Aso 30 ‘o Sētema 2024. “

‘O lona uiga ‘o so’o se sui ‘o le atunu’u ‘e tu’uina atu ā latou fana ma pulu fa’asolitūlafono ‘i le vaitaimi lea ‘e fa’amalosia ai le Amnesty ‘o le ‘a le mōlia.

“’O le faʻamoemoe ‘e mō tagata taʻitoʻatasi ‘o loʻo ‘umiaina fana faʻatūlafonoina ma fana ‘e tuʻuina atu ‘i latou ‘e aunoa ma se mēliaga ‘i le taimi ‘o le faʻamāgaloina.”

‘O lo’o fa’amoemoe ‘e “fa’amautinoa ‘o lo’o tūmau pea Sāmoa ‘ose atunu’u saogālēmū.”

“Ia tatou gālulue fa’atasi mo se Sāmoa saogālēmū!

ATA: Taunuuga Toatasi / Sāvali Newspaper.