Fa’ailoa fa’alaua’itele ‘e le Matāgaluega ‘o Leoleo, ‘o le solitūlāfono le faia ‘o ni tu’ua’iga lē moni

‘Ua tu’uina mai se fa’asalalauga fa’alaua’itele ‘i luga ‘o le ‘upega tafa’ilagi ‘i le ītulau ‘a le Matāgaluega ‘o Leoleo, se fa’asilasilaga ‘e fa’ailoa mai ai ‘e lē sa’o nisi ‘o fa’asalalauga ‘ua i luga ‘o ‘upega tafa’ilagi, ‘ua tu’ua’ia ai se sui faipule ‘o le pālemene, ‘e ala ‘i lona so’otaga ‘i fuāla’au fa’asāina ‘e ‘aofia ai le ‘aisa ma le marijuana.

‘O le pepa ‘o fa’amatalaga ‘ua fa’ailoa mai ai, ‘e lē fa’amāonia ia tu’ua’iga ma ‘o lo’o tu’uina mai ai fo’i ma se fautuaga ‘a le Matāgaluega ‘o Leoleo, ‘o se solitūlāfono le faia ‘o se fa’asalalauga lē moni ma lē fa’avaea, ma tu’ualalo mai ai ‘ia galulue fa’atasi ma tutū fa’atasi le atunu’u ‘ātoa ‘i le tausia ‘o le mamalu ‘o tūlāfono ‘a le atunu’u.

IMAGE/ATA: Samoa Police Facebook