Fa’afeiloa’ia ‘e le Afioga ‘iā ‘Ale Vena ‘Ale le fa’auluuluga ‘o le MASHAV ‘a ‘Isarā’elu fa’apea le ‘Amapasa fou ‘a ‘Isarā’elu ‘i Sāmoa

Na fa’afeiloa’ia ‘e le Minisitā ‘o Puna’oa Fa’alenātura ma le Si’osi’omaga, le Afioga ‘iā ‘Ale Vena ‘Ale, le faigāmalaga ‘a le fa’auluuluga ‘a le vāega tau ātīna’e ‘a le mālō ‘o ‘Isarā’elu ‘iā Eynat Shlein, ‘aemaise ‘o lā lātou ‘Amapasa fou mō Sāmoa ‘iā Alon Roth-Snir.

‘O se asiasiga ‘e fa’amoemoe ‘e sa’ili ai ni ‘auala ‘e gālulue ma felagolagoma’i ai atunu’u ‘e lua, ma ‘ia mālamalama ātili ‘i mea ‘e ‘ave ‘iai le fa’amuamua ‘i ātīna’e ma mana’oga ‘o lo’o iai Sāmoa. 

Sa fa’atalanoaina fo’i matā’upu tau fefa’ataua’iga, ‘i tūlaga tau a’afiaga ma suiga ‘o le tau, ‘e mafai ‘ona fesoasoani mai ai ‘Isarā’elu, ‘aemaise fo’i ‘o ni avanoa ‘e ofoina mai fa’asikolasipi, ‘e fausia ai pea le mālosi’aga ‘o le faigā pā’aga ‘a atunu’u ‘e lua.

IMAGE/ATA: Government of Samoa Facebook