Fa’ae’e le suafa Pesetatamalelagi ‘i le Tama’ita’i Faipule Barbara Edmonds ‘e le Afio’aga ‘o Sāfotu

‘O le Aso Faraile 17 ‘o Ianuari 2025. Na fa’ae’eina atu ai le suafa ‘o Pesetatamalelagi ‘i le Afioga ‘i le Tama’ita’i Faipule, Hon. Barbara Edmonds ‘e le Afio’aga ‘o Sāfotu, le Āfifio ‘o Sa’o ‘e Fā ma le ‘Āiga Sā Ūmalau, le Fetalaiga ‘i le Ali’i ‘o le Itū ma le mamalu ‘i le Atipouniu ma le Fa’asau.
‘O le Afioga ‘iā Pesetatamalelagi ‘o le Sui Faipule ‘o le ‘Itūmālō ‘o Mana ‘i le laumua ‘o Aotearoa ‘i Ueligitone, ma ‘o le fofoga fo’i ‘a le vāegafa’a’upufai ‘a le Labour ‘i matā’upu tau tupe.
‘O se fa’amanuiaga tāua lenei ‘a le Afio’aga ‘o Sāfotu mō se tasi ‘o ā latou tamafanau, ‘ua fa’aeaea ‘i ‘aiga, fa’apea le nu’u ma le afio’aga, ‘i se tautua ‘e ala ‘i ‘upufai ‘a le Mālō Niu Sila. ‘O le fa’anofotupu ‘a le Afioga ‘iā Pesetatamalelagi, ‘o se fa’amanatu ‘i le soifua tautua ‘auā ‘aiga, nu’u ma ‘ekālesia, fa’apea tagata lautele.
ATA: Barbara Edmonds.