‘Āmata fa’asolo fa’agaioiga ‘o le faia ‘o IDs mo tagata ‘uma ‘o Sāmoa

‘Ua sainia ma fa’amaonia ‘i le vā ‘o le Afioga ‘i le Minisitā ‘o le Matāgaluega ‘o Fuainūmera Fa’amaumauina, le Afioga ‘iā Moefa’auouo Julius Ah Kui Tafuna’i, ma sui ‘o kamupanī ‘e lua ‘o le KVA Consult ma le ID30 Consortium, ‘e tu’u atu ai ‘ia ‘i lā’ua le galuega ‘o le fa’atinoina lea ‘o pepa fa’amaonia po’o IDs ‘a tagata ‘o le atunu’u.

‘O se matā’upu ‘ua māe’a ‘ona pāsia ‘i le fonotaga ‘a le Palemene, ‘e tatau ai ‘ona ‘ūmia ‘e tagata ‘uma lava ‘o le atunu’u ID ‘e fa’aaogāina ‘i so’o se fa’amaumauga ‘a le mālō, ma fa’amaonia ai fa’amaumauga ‘e fa’atatau ‘i lea tagata. ‘O se fa’ai’uga ‘ua 2 tausaga talu ‘ona pāsia ‘a’o lea fa’ato’ā fa’agāsolo le fa’atinoga.

IMAGE/ATA: Nessani Lam Sam