$760,000 le fesoasoani ‘a Iapani mo le Pūlega ‘o Tineimū ma Fa’alavelave Tutupu Fa’afuase’i ‘a Sāmoa

‘Ua toe fesoasoani mai le Mālō Iapani mo Sāmoa ‘e tauala mai le Pūlega ‘o Tineimū ma Fa’alavelave Tutupu Fa’afuase’i ‘a Sāmoa, ‘i le fa’atupeina lea ‘o nisi ‘o loli tane vai, pamu tane vai ma nisi masini fou ‘e mo’omia ‘auā lea ‘au’aunaga tāua ‘i le atunu’u.

‘O le fesoasoani ‘a Iapani ‘e silia lea ma le $760,000 (ST).

‘O lea fesoasoani, na fa’atupeina ai:

• (2) loli tane vai,
• (1) pamu tane vai
• (1) loli pamu vaila’au

‘o lona āofa’iga ‘atoa ‘e fa (4) ta’avale afi mō fa’alavelave fa’afuase’i.

• (2) mōlī fou
• ma mea faigāluega fou

Na tā’ua ‘e le Minisita ‘o Leoleo, Falepuipui ma le Toefuata’iga Faualo Harry Jeffrey Schuster ‘i lana saunoaga ‘autū, “o mea faigaluega fa’apitoa tau afi ma fa’alavelave fa’afuase’i ma punaoa ‘o le ‘a ātili fa’amālosia ai le tautua ‘a le Pūlega ‘o Tinei Mū ma Fa’alavelave Fa’afuase’i ‘a Sāmoa (SFESA) ma na fai ai ‘o ia ma sui ‘o le mālō ‘e fa’afetaia le fesoasoani ‘a Iapani. 

ATA: Taunuuga Toatasi / Sāvali Newspaper