6 tagi ‘a Leleua Suataga Aso ‘e fa’asaga ‘iā Tuiā Paepae Letoa ‘i le faigā pālota la’iitiiti ‘a Sāfata 2

Mai le fa’amasinoga, ‘o le asō ‘e tatau ‘ona tu’uina atu ai ‘e le faipule ‘o Sāfata 2, Tuiā Paepae Letoa sana tali ‘e fa’atatau ‘i tu’ua’iga ‘e 6 ‘o lo’o tu’ua’ia ai, ‘e lē sa lā tauvā ‘i le faigā pālota la’iitiiti, Leleua Suataga Aso. ‘O nei tu’ua’iga ‘e aofia ai ni faiga fa’atōsina sa ia fa’aaogāina ‘e fa’atōsina ai tagata ‘o le itūmālō ‘e pālota ‘iā te ia.

‘O le aso Tofi ‘o le vaiaso lenei, na vala’au ai lenei matā’upu mo le ulua’i taimi ma fa’amautū ai lōia ‘e tūla’i mo le itū tagi fa’apēnā fo’i ‘i le itū tete’e. ‘O le talosaga ‘a Leleua Suataga Aso na tā’ua ai, ‘e silia ‘i le $6,000 le sēleni na fa’aaluina ‘e Tuiā ‘e faia ai lana fa’atōsina ‘i le faigā pālota la’iitiiti na o lā tauvā ai.

IMAGE/ATA: Murray Faivalu