47 tausaga le tautua ‘i le galuega ‘a le Atua mo Rev. Elder Fa’atulituli Setu & Faletua ia Meripa.

‘Ua silia nei ma le 47 tausaga le tautua matavela ‘i le galuega ‘a le Atua ‘mo le susuga ‘i le Toeaina Fa’atonu ia Rev. Fa’atulituli Setu ma le Faletua ia Meripa. ‘O le Aso Lulu 22 ‘o Mē ‘i le Fono Tele ‘a le Ekalesia EFKS ‘o lo ‘o usuia ‘i Mālua, na fa’amaonia ai le Mālōlō Penisione ai ‘o le susuga ‘i le Toea’ina Fa’atonu ma le Faletua. ‘E mālōlō nei, ‘o lo ‘o la tausia le ‘Ekalesia ‘EFKS Hutt Valley, ma Fa’atonu ‘i le Pulega ‘a le Laumua ‘o Aotearoa. ‘Ua tēlē fo’i le sao tāua ‘o le susuga ia Fa’atulituli mo le Si’ufofoga ‘o le Laumua, ‘e ala ‘i polokalame fa’aleagaga ‘o lo ‘o ta’itā’ia ‘e le Mafutaga Faife’au So’ofa’atasi ‘i le Laumua – Molī ‘o le Ava, Asiasiga ma Faigālotu ‘i le taeao. Tautai A’e ma le Mānuia!