$458,000 le fesoasoani ‘a Iāpani mo le Suāvai Mamā ‘i le ‘itūmālō ‘o Satupa’itea

‘O le ‘a fa’atupeina ‘e le Mālō ‘o Iāpani vāega ‘e tolu ‘o le ātina’e ‘o le suāvai ‘a le ‘itūmālō ‘o Satupa’itea, ‘e pei ‘ona lipotia mai ‘e le Sāvali.

‘O le toe fa’aleleia ‘o le fa’atānoa ‘o lo’o pu’e ai le suāvai ‘ona ‘ua liki, fausiaina ‘o se fa’amamā lāpo’a ‘i le nofoaga ‘o lo’o ‘i ai le Māota Gasegase ‘o le ‘Itūmālō fa’atasi ai ma le toe suiina ‘o le ‘ofe ‘i le ‘a’ai lea ‘e tusa ma le 1.2 mita le telē ‘o le paipa ū’amea ‘o lo’o ‘i ai nei, lea ‘o le ‘a sui ‘i paipa ‘o itu’āiga ‘o lo’o fa’aāogaina ‘i le taimi nei.

‘O le ‘Amapasa ‘o le Mālō ‘o Iāpani ‘i Sāmoa Senta Keisuke sa saini ‘a’ao ma le Peresetene ‘o le ‘Asosi ‘iā Asi Taiatu Sasa Milo, mo le fa’amātu’uina atu ‘o le $458,000 ST mo le fa’agaioiga ‘o lea galuega.

ATA: Taunuuga Toatasi / Sāvali Newspaper.