Vala’aulia ‘e le peresetene ‘o Palau Donald Trump ‘e malaga asiasi mai ‘i le Pasefika

‘Ua vala’auina āloa’ia ‘e le Peresetene ‘o atumotu ‘o Palau, ‘o Surangel Whipps Jr, ‘ia le Peresetene Filifilia ‘o ‘Amerika, ‘o Donald Trump, ‘ina ‘ia malaga asiasi mai ‘i le Pasefika, ‘e va’ai tino ai ma ia molimauina a’afiaga ‘o suiga ‘o le tau ‘i lenei itūlagi ‘o le kelope.

‘O Palau lea ‘o le ‘ā talimālō ‘i le fono fa’aletausaga ‘a ta’ita’i ‘o le Pasefika, po’o le Forum ‘i le tausaga ‘e 2026, mā na fa’aalia ai ‘e le ali’i peresetene ‘o Whipps, lona fa’anaunauga, ‘ina ‘ia mafai ‘ona fa’atasi mai ‘i lea fonotaga, le ali’i ‘o Donald Trump.  Sā ia tā’ua fo’i ā fai ‘e mafai ‘ona malaga mai Trump mō lenei fonotaga, ‘e leiloa pe te’i ‘ua o lā ō ‘e tofu ‘i le  sami ‘i gātaifale ‘o lona atunu’u ‘o Palau.

Na tā’ua ai ‘e Whipps, ‘o le tele ‘o ‘amu’amu ‘i gātaifale ‘o Palau, ‘ua mamate ‘ona ‘o suiga ‘o le tau, mā ‘e tāua pe ‘ā fai ‘e mafai ‘ona va’ai tino ma silasila ‘i ai Donald Trump, ‘ina ‘ia talitonu ai ‘i fa’afītāuli ‘o feagai nei ma le tele ‘o atumotu ‘o le Pasefika, ‘ona ‘o suiga ‘o le tau.

Link to RNZ (Article) translated by Lauano Ati Ilaoa:https://www.rnz.co.nz/international/pacific-news/535844/palau-s-president-invites-donald-trump-to-visit-the-pacific-to-see-climate-crisis-impacts

ATA: RNZ Pacific / PICRC