‘Ua maliu le ali’i pese Fiti ta’uta’ua ‘iā George “Fiji” Veikoso

by | Jul 25, 2025 | Pacific

‘Ua maliu le ali’i pese Fiti ta’uta’ua ‘iā George “Fiji” Veikoso, lea ‘e tele ‘ina lauiloa ‘i lona igoa pese ‘o Fiji, ‘e maliu ‘ua 55 tausaga le matua ‘o lona soifua.

‘O Fiji na soifua a’e ‘i Fiti ma na maliu ‘i Suva pei ‘ona fa’amaonia mai ‘e lona ‘aiga. ‘E sili ‘ona lauiloa lea ali’i pese ‘i fātuga reggae fa’apolenisia fa’apea island R&B, mā ‘e silia ma le 30 tausaga ‘o nofo ‘i Hawaii, lea na ‘amata ai lana galuega fa’amusika ma lauiloa ai ‘i le lalolagi ‘atoa.

Na toe fo’i ‘i Fiti ‘i le 2024 mō lana ulua’i koneseti na faia ‘i Nadi, ma sā taulia ‘uma pepa ulufale ‘i tagata mai le atu pasefika na lōlofi atu ‘e fia molimauina lea koneseti.

‘O lana koneseti lona lua na fuafua mō Sētema ‘o le tausaga nei. Na saunoa fa’alaua’itele Fiji ‘e uiga ‘i lona gasegase, lea na va’aia ai ‘ua alu ‘i le nofoa fa’ata’avalevale ma faia ana koneseti, a’o feagai pea ma lu’itau ‘o lona soifua mālōlōina.

‘E to’atele tagata mai so’o se atu motu ‘o le pasefika ma le lalolagi ‘ua momoli atu alofa’aga ma fa’amaisega mō lona ‘aiga, mā ‘e tele ‘ina manatua ‘i lona tū mālosi ma fa’aaogā lona leo mō le pasefika, ‘aemaise lona atunu’u ‘o Fiti.

Link to RNZ Pacific (Article) translated: https://www.rnz.co.nz/news/world/567931/george-fiji-veikoso-dies-aged-55-in-suva

ATA: ABC Pacific / Penina Momoisea (RNZ).