Tu’utu’uga mō le fa’asa’olotoga ‘o le pailate Niu Sila mai Papua ‘i Sisifo

‘Ua fa’ailoa ni tu’utu’uga ‘a tagata fa’a’au’upegaina ‘i Pāpua ‘i Sisifo, ‘e fa’asa’oloto ai le pailate Niu Sila lea na ‘ave fa’amalosi ‘i le lata ‘i le 18 māsina ‘ua tuana’i.  Na tūlau’ele’ele se tama’i va’alele ‘i se vāega tū mamao ‘ese ma maugā ‘i le māsina ‘o Fepuari ‘i le tausaga talu ai, ma ‘ave fa’amālosi ai ‘e le West Pāpua National Liberation Army, le ali’i pailate ‘o Phillip Merhtens.  Sa taumafai lea vāega ‘e fa’aaogā Mehrtens ‘e fa’atalanoa ai le tūto’atasi mai Indonesia. 

‘Ua vala’au lea vāega fa’a’au’upegaina ‘i le faigāmālō ‘a Niu Sila, ‘e aofia ai leoleo ma le ‘ami, ‘e fa’afeao le pailate, ma ‘ia aofia ai ma tusitala fa’avāomālō ‘ina ‘ia aofia ai ‘i le fa’agāsologa ‘o le fa’asa’olotoga ‘o le ali’i pailate.  ‘Ua fa’ailoa ‘e le Matāgāluega ‘o le Vā ‘i Fafo ma le ‘ōfisa ‘o le minisitā, ‘ua lātou silafia lea fuafuaga.  ‘O le itū ‘o lo’o ‘ave ‘i ai la lātou fa’amuamua, ‘o le fa’amautū lea ‘o se ‘auala filēmū ma ‘ia mafai ‘ona fa’asa’oloto ma le saogalēmū le pailate. 

Link to RNZ (Article) translated by Savelina Kasiano: https://www.rnz.co.nz/news/national/528373/rebels-who-kidnapped-kiwi-pilot-in-west-papua-propose-terms-of-release

ATA: Phillip Mehrtens was kidnapped in February 2023. / Facebook (RNZ).