Tīgāina ‘i le falema’i ni tūrisi ‘Ausetālia na ‘ōnanā ‘i totonu ‘o Fiti

‘E iai ni tūrisi mai ‘Ausetālia, ‘ua līpotia mai le āfāina ‘ina ‘ua ‘uma ‘ona taumafalia ni meainu mālolosi ‘i totonu ‘o Fiti.  ‘O se fa’asalalauga mai le ABC ‘a ‘Ausetālia na tā’ua ai ‘e fa’apea, ‘e to’afitu le aofa’i ‘o ni mālō ‘i le faletalimālō ‘o le Warwick Resort ‘i le Coral Coast, na āfāina ‘i le alcohol poisoning, ‘ina ‘ua o lātou inumia ni meainu cocktails, ‘i le bar ‘o lea resort ‘i le pō ‘o le Aso To’ona’i.

Sā ‘auina ane ‘i lātou ‘i le falema’i ‘i Sigatoka, ma mulimuli ane ‘auina atu ‘i le falema’i ‘i Lautoka tagata ‘e to’alua, ‘ona ‘e tīgāina tele.  Na fa’aalia ‘e fa’apea ‘o tūrisi ‘e to’afitu na āfāina ‘i lenei fa’alavelave, ‘e i le vā ‘o le 18 ma le 56 tausaga le mātutua.  ‘O le to’afā o lātou ia, ‘o tagata ‘Ausetālia, mā ‘o lo’o faia nei su’esu’ega ‘a leoleo Fiti ‘i lenei matā’upu.

Link to RNZ (Article) translated by Lauano Ilaoa:https://www.rnz.co.nz/international/pacific-news/536756/australians-critical-in-hospital-in-fiji-after-suspected-alcohol-poisoning

ATA: Two of the seven who fell ill have been transferred from Sigatoka Hospital, to Lautoka Hospital (shown), due to the seriousness of their conditions. (File photo). Supplied/Fiji MOH