Tete’e le ‘au fai tōfā ‘o le Soifua Mālōlōina ‘o le māfaufau, ‘i le talosaga ina ‘ia toe fa’afo’i fa’asalaga ‘o le sasa ‘i ā’oga ‘i Fiti

‘O lo’o tete’e le ‘au fai tōfā mō le Soifua Mālōlōina ‘o le mafaufau, ‘i talosaga ina ‘ia toe fa’afo’i fa’asalaga ‘o le sasa ‘i ā’oga ‘i Fiti. ‘O le talosaga na tu’uina atu ‘e le ‘asosi ‘o faiā’oga ‘i Fiti, ‘ina ia toe tatala mai le fa’atagana ‘o le sasa ‘i totonu ‘o ā’oga, peita’i, ‘o lo’o tē’ena mālosi ‘e polōfesa ‘o le Soifua Mālōlōina ‘o le Mafaufau, ‘ātoa ai ma ‘i lātou na ui mai ‘i lea faiga, ‘a’o mālosi le sasa ‘e faiā’oga ‘o tamaiti ‘i ā’oga.

‘O le vaiaso talu ai na fa’ailoa ai ‘e le failautusi ‘o le ‘asosi ‘o faiā’oga Paula Manumanunitoga ‘i le Public Forum, ‘ua toe mo’omia le sasa ‘o fānau ā’oga, ona ‘ua lē fa’alogo talu ona tapu le sasa ‘i potu ā’oga. Saunoa Manumanuitoga, ‘ua sāuaina faiā’oga ‘e tamaiti ā’oga, ma ua lē saogālēmū le si’osi’omaga fa’aleā’oa’oga mō faiā’oga.

‘I lalo ‘o le Fa’avae a Fiti 2013, fa’apea le Feagaiga a Malo Aufaatasi i Aia Tatau a Tamaiti, lea na fa’amaonia e Fiti i le 1993, na tapu ai so’o se ituā’oga fa’asalaga.

Link to RNZ Pacific (Article) translated: https://www.rnz.co.nz/international/pacific-news/576620/fijian-advocates-reject-call-to-reintroduce-corporal-punishment-in-schools

ATA: Facebook / Ministry of Education Fiji/ (RNZ).