Tau’ave pea ‘e le faigāmālō lē tūmau le mālō Toga se’ia maua se faigāmālō fou

‘O le Aso Gafua ananafi, lea na fa’ailoa mai ai ‘e le faigāmālō lē tūmau ‘o lo’o iai nei ‘a Tonga, ‘o le ‘ā fa’aauau pea ona ō lātou tau’aveina le pūlega ‘o lea atunu’u, ‘e talia ai le fa’avaeina lea ‘o se isi faigāmālō fou ‘i nai vāiaso ‘o lumana’i nei. ‘O le faigāmālō lē tūmau ‘o lo’o iai nei ‘a Tonga, ‘o lo’o fa’auluulu ‘i le Sui Palemia ‘o Samiu Kuita Vaipulu ma ‘o lo’o aofia ai ma Minisitā ‘o le kapeneta sā iai ‘a le palemia ‘ua fa’amavae ‘o Hu’akavameiliku Siaosi Sovaleni. ‘O le palemia ‘ua sui tūlaga atu iai, le ali’i ‘o Aisake Valu Eke, ‘o lo’o tau fa’amautū tūlaga tau Tūlafono ‘o lona filifiliga ‘ātoa ai ma le tōfia ‘o sana kapeneta.

Link to RNZ (Article) translated by Lauano Ilaoa: https://www.rnz.co.nz/news/pacific/538298/tonga-s-interim-govt-to-remain-in-place-until-a-new-cabinet-is-announced

ATA: Acting Prime Minister, Samiu Kuita Vaipulu Photo: SPREP/RNZ