Tāpena Papua Niu Kini (PNG) mo le asiasiga ‘a Pope Faranisisi ‘i le asō

‘O le asō ‘ua fuafua ‘e taunu’u ai le afioga ‘i le Tamā Pa’ia po’o le ta’ita’i ‘o le ‘Ekalesia Katoliko ‘i le lalolagi Pope Faranisisi, ‘i Papua Niu Kini. ‘Ua 30 tausaga talu ‘ona malaga asiasi se Pope ‘i se atunu’u ‘o le Pasefika ‘i Saute. ‘O le asiasiga mulimuli lava na asiasi atu ai Pope Ioane Paulo ll ‘i Papua Niu Kini ‘i le 1995.

‘O le malaga asiasi ‘a Pope Faranisisi, ‘o se fa’amoemoe mō aso ‘e 11, ‘e asiasi atu ai ‘i le laumua ‘i Port Moresby ma Vanimo mai ‘i le asō āga’i le aso 9 ‘o Sētema. ‘E silia ma le 37,000 tagata ‘ua ‘uma ‘ona lesitala ‘e ‘āuai ‘i le Misasa ‘i le Aso Sā, ma ‘o le ‘ā taula’i le va’ai mamao ‘i tupulaga talavou ‘e lēai ni gāluega ma ‘i lātou ‘o lo’o a’afia ‘i le fa’aaogaāga ‘o fuālā’au fa’asāina. ‘E o’o atu ‘i le 4000 tagata ‘ua ‘uma ona a’oa’oina ‘auā le puipuiga ma le leoina ‘o le Tamā Pa’ia ‘a’o ‘iai ‘i Papua Niu Kini, ma ‘o lo’o naunau ‘e feiloa’i atu ‘i tamaiti ‘o lo’o nonofo ‘i luga le ‘auala.

Link to RNZ (Article) translated by Anna Fa’asolo: https://www.rnz.co.nz/international/pacific-news/527161/papua-new-guinea-to-roll-out-red-carpet-for-pope-francis

ATA: AFP / Ajeng Dinar Ulfiana / RNZ.